Ssita wa Liverpool Luis azzeeyo ku ndiri.
Ssita wa Liverpool, Luis Diaz azzeeyo ku ndiri kw’agenda okumala emyezi emirala 3.
Kiddiridde okulongoosebwa evviivi. Diaz 23, okuva mu October lwe yalwala nga battunka ne Arsenal, taddangamu kuzannyira Liverpool.
Wiiki ewedde, y’omu ku bazannyi abaabadde batambudde ne ttiimu eri mu Dubai gye beetegekera okuddamu kwa Premier.
Mu kibinja ekyetaba mu kutendekebwa okwasooka e Dubai, Diaz yali omu ku baalimu wabula wakati mu kutendekebwa yaddamu ne yeekosa ekyamuviiriddeko okulongoosebwa.
Diaz. yeegatta ku Liverpool ku ntandikwa ya 2022 ku bukadde bwa pawundi 37.5. Liverpool nga tennaddamu Premier, egenda kusooka kuzannya Man City mu League Cup nga December 22.
