Nam Blazers eyongedde okulaga eryaanyi.
![](https://endibbasports.com/wp-content/uploads/2022/09/MREE.jpg)
Nam Blazers eyongedde okulaga eryaanyi mu liigi ya basket ball bwe yeesozze semi ng’ezannye ensiike 2 zokka kw’ezo essatu eza ‘quarter’.
Yakubye KCCA Panthers (80-57) mu kudding’ana, ensiike eyasooka yagiwangula (63-41), ekyabayisizaawo okwesogga semi gye bagenda okusisinkana KIU Titans abaawanduddemu Power (70-57) ne (68-59) ku ‘quarter’.
Nam Blazers yakuba KCCA Panthers awaka (68-61), n’ebadda mu biwundu ku bugenyi (82-52) ku bugenyi mu nsiike ebbiri ez’ebibinja sizoni eno ne ku ‘quarter’ teyasanze kaseera kazibu kubawandulamu.
Mu ngeri y’emu ,KIU Rangers mu bakazi yayiseewo okwesogga semi bwe yawanduddemu Miracle Ravens (78-76) ne (90-38)
KIU Rangers balinda ttiimu enaayitawo wakati wa UCU Lady Canons bakyampiyoni baliigi y’abakazi emirundi 7 ne Margic Stormers. Margic Stormers yawangula ensiike eyasooka(52-47) badding’ana wiiki ejja.