Abakubi b’ebikonde ku wikendi babade mu mpaka.
Ennwaana 16 ze zaazannyiddwa ku wikendi ng’abakubi b’ebikonde ab’enjawulo balwanira emisipi egy’enjawulo era ebikonde byabadde ku ‘Club obligatto .
Zaategekeddwa Kasta Boxing Promotions n’aba Uganda Sports Promotions nga zeetabiddwaako nnamungi w’abawagizi.
Mululwa olukulu Munnayuganda Meddie Kabona Sebyala yakubye omucongo Nelson Mangala tonziriranga n’asitukira mumusipi gwa Afrika ogwa Global Boxing Federation Middle weight Title.
Mu ndala Latiba Muwonge yakubye omutanzania George Owano mu buzito bwa ‘welter’ Ronald Miiro yakubye Kenny Lukyamuzi De Mexico n’awangula omusipi gw’eggwanga mu buzito bwa ‘Middle’.
Mubaraka Seguya yakubye Richard Tansula ne yeetikka omusipi gw’eggwanga mu buzito bwa ‘welter’.
Salima Tebesigwa yakubye Rachael Musubika, Mercy Acayo yakubye Jane Faith, Ivan Magumba n’akuba Sinobwa Ntumwa tonziriranga,Moses Mukiibi n’akuba Sudais Ssentale tonziriranga, Musisi Godfrey yakubye Ivan Kambagira.
