ROBERTO OLIVIERA AMAASO AGATADDE KU KYA KAKUNGULU, OLUVANNYUMA LWA VIPERS OKUTWALA EKYA LIIGI.
Bya Jimmy Nteza
Vipers SC yawangudde ekikopo kya liigi wadde nga ekyabuzaayo emipiira okumalako sizoni. Kino kiddiridde kirabbu endala ezijigoba okubeera n’omutindo omubi nga KCCA ow’okubiri alekeddwa obubonero obusoba mu kkumi. Vipers SC yawangudde ekikopo ekyokutaano ekya liigi bukyanga yetaba mu liigi enkulu. Eno yatwala ekikopo kya 2009-10, 2014-15, 2017-18 wamu ne kya 2019-20. Abasambi ba Vipers SC okuli Milton Kaliisa, Yunus Sentamu Jr, Ceaser Manzoki, Halid Lwaliwa, Bobosi Byaruhanga n’abalala balaze omutindo omulungi wansi w’omutendesi Roberto Oliviera owe Brazil.
Bano kati amakanda bagatadde ku kikopo ekya Uganda kiyite Kakungulu nga wano bakuttunka ne Mbarara City ku luzannya oluddirira olwakamalirizo ate nga BUL FC gyebawangula ku fayinolo sizoni ewedde yakusamba ne Booma FC wiiki eno wakati wa nga 10 ne 19 omwezi guno. Vipers SC yeyatwala ekikopo kino sizoni ewedde nga yakuba BUL ku fayinolo goolo zaali 8-0 era nga kye kikopo omutendesi okuva e Brazil Roberto Oliviera kyeyatandikirako okutwala.
Vipers enonya kikopo kyakusatu ekya Kakungulu oluvannyuma lwokutwala ekya 2015-16 ne 2020-21.
