OKUVUGANYA KU NGULE Y’OMUSAMBI OMUFIRIKA ASINZE KWAKWETOOLOLERA KU SALAH NE MANE.
Bya Jimmy Nteza
Omwaka guno abasambi bangi abafirika abalaze omutindo omulungi ennyo naye nga kirabwa nayonka nti Mo Salah omumisiri ne Sadio Mane omusenegal babadde bankizo nnyo olw’omutindo gwebalaze ku kirabbu yaabwe eya Liverpool wamu ne ku mawanga gaabwe mu mipiira gya Afirika.
Abasambi nga Eduardo Mendy asambira Chelsea ne Senegal, Thomas Partey owa Arsenal ne Ghana, Kalidou Koulibaly owa Napoli ne Senegal, Samuel Chukwueze owa Villareal ne Nigeria, Pierre Aubameyang owa Barcelona ne Gabon n’abalala, abasambira ku Bulaaya babadde n’omutindo omulungi naye ate tebavuganyiza nga bwekisuubirwa kwenkana balala.
Sebastian Haller ne Riyard Mahrez.
Haller asambira Ajax ne Ivory Coast era abadde musambi wankizo nnyo eri Ajaxokwetoloola empaka zonna nga ono ateebyegoolo 30 n’okusoba, naye omupiira gwa Kyampiyoni teyatuuse wala ate nga ne mu mpaka za Afirika, ttiimu ye eya Ivory Coast yali ebulamu okuvuganya ekimuleetera okusuula obubonero. Ye Mahrez asambira Man City eya Bungereza naye abadde n’omutindo omulungi nga ono yeetabye mu goolo 33 okwetoloola empaka zonna okuli okuteeba goolo 24 ate n’okuyambako goolo 9, naye wasulira obubonero z’empaka eza Afirika ye n’eggwanga lye erya Algeria wabataakolera bulngi nga n’ekibinja tebakiyitamu.
Sadio Mane ne Mo Salah.
Emunnyenye za Liverpool zonna zirina ebibalo ebirungi sizoni eno era nga kino kyetoloorera nnyo ku ngeri kirabbu yaabwe eya Liverpool gyekozeemu naddala mu mpaka zonna nga eno ekyesimbye mu bikopo byonna byeyeetabamu nga byonna eri ku kamalirizo ate nga bano abasambi bebajifudde kyeri. Mane akubye goolo 20 mu mpaka zonna ate nga yatwala ne kikopo kya Afirika ate nayisaamu ne Senegal ppaka mu kikopo ky’ensi yonna wabula nga ye Salah akubye goolo 30 eza Liverpool ate nga yatuusa Misiri ku luzannya olwakamalirizo wadde nga tebawangula ate nga ne mu kikopo kyensi yonna tebagenda. Gwe olonda ani?
