OLUTALO MU FUFA BIG LEAGUE.
TTIIMU NNYA ZIRWANA KWESOGA LIIGI NKULU, EMIKISA GYA KYETUME FC JIRI MU LUSUUBO.
Liigi ey’okubiri ey’omupiira mu ggwanga eya FUFA Big liigi etuuse awanyuma nga ebuzaayo omupiira gumu ekkomekerezebwe. Ttiimu kkumi n’emu zezeetaba mu liigi eno naye nga ssatu zaakusomoosebwa okuyitawo mu liigi enkulu ate nga ssatu zaakusalibwako okudda mu kibinja eky’okusatu awatali nzanya za kusunsula. Proline Fc yamazeeyo emipiira gyayo nga yakomekkereza n’abuwanguzi weyakubye Kyetumu Fc goolo 3-2 mu maka ga Kyetume age Nakisunga. Kino kyasanyalaza emikisa gya Kyetume nga eno erina okujjayo ag’omubuto okuwangula Kataka FC gyegenda okusembyayo songa nayo etunuulidde kuwangula kikopo n’akukiika olwensonga nti yeri ku ntikko. Kati Kyetume erina kusabirira ttiimu essatu ezijiri ku ntikko zisuule mu mupiira ogusembayo naye nga kyandiba ekizibu kubanga Maroons asembyayo Nyamityobora emu ku ttiimu ezisinga omutindo omubi, nga kyang Maroons okuwangula yadde nga yakyala, ate nga ne Blacks Power FC esembyayo Luweero United erabika nga nayo siyamanyi nnyo wadde nga erwana butasalwako.
Ani asinga emikisa okwesogga liigi?
Blacks Power FC 8/10: Eno omupiira gwayo ogusembayo ezannya Luweero United, ate nga eri waka mu Lira, kyangu okuwangula ekozese omukisa guno okulembera naddala nga Kataka Fc attunka ne Kyetume.
Maroons FC 8/10: Wadde nga kyandiba kizibu ono okutwala ekikopo, essuubi erikiika ddene keyeekubidde Kyetume. Asembyayo Nyamityobora FC ate nga omutindo gwayo mubi.
Kataka FC 6/10: Wetunaatukira mu mupiira ogusembayo nga ali ku ntikko naye ebintu bisobola okukyuka olunaku olusembayo. Asamba Kyetume FC ate nga bonna balina ekigendererwa ekikiika mu liigi enkulu. Yeetaga maliri gokka.
Kyetume FC 3/10: Yasudde akabonero ku gwa Proline, wakusitaana ku gusembayo ogwa Kataka ate nga yakyala.
Ezisalwako.
MYDA FC ne Nyamityobora Fc zaasalwako dda, kati embiranye esigadde wakati wa Ndejje University, Proline Fc, Kitara Fc ne Luweero United nga bano bonna emipiira ejisembayo gyejisalawo. Proline Fc yamazeeyo emipiira gyayo nga erina obubonero 25, Ndejje University owa 23 wakusamba Kitara erina 25 nga bonna balwana butasalibwako, nga ne Luweero United alina 25.
