CHELSEA NE REAL MADRID BAKWESIBA ENKALU, TUCHEL ATEGEERA ANCELLOTI

Olwokusatu.

Chelsea Vs Real Madrid: ssaawa 4:00

Ku luzannya olwa kwota mu mpaka za babinywera ku Bulaaya eza Champions liigi, omupiira wakati wa Chelsea ne Real Madrid gwegusinga embiranye okusingako ku mirala egyekubiddemu. Ttiimu zombi zamanyi era nga Chelsea yeyatwala ekikopo kino sizoni ewedde ate nga Real Madrid nayo siyaakunyoma kubanga yekyasinze ebyafaayo ebirungi mu kikopo kino era nga okujjamu PSG kimala okumatiza abalabi. Omutendesi Thomas Tuchel owa Chelsea ategeera omutendesi Carlo Ancelloti owa Madrid nga amuwangudde enfunda 3 mu mirundi 7, ate nga Ancelloti awanguddeko 2. Chelsea wadde nga ebadde nnyo mu bizibu ebyekussa ku nannyini ttiimu Roman Abramovich n’envumbo, eno erina abasambi abalungi ate abalina obumanyirivu okujongerayo ku luzannya oluddako okufaanaganako ne Madrid. Ttiimu zombi zisamba omupiira ogw’okulumba, naye nga Real Madrid esingako okulengera obutimba nga eyita mu bateebi baayo abalungi nga Karim Benzema ate nga Chelsea esingako Madrid mu kuzibira nga ekozesa obumanyirivu bwa Tiago Silva ne Antonio Rudiger. Bano bakwesamba emirundi ebiri okuzuula anayitawo okwesogga oluzannya oluddako.

Mu balala abanaasamba ku luzannya luno:

Manchester City V Atletico Madrid

SL Benefica V Liverpool

Villareal V Bayern Munich