ENSONGA EZAALEMESEZA ITALY OKUGENDA MU ZA “WORLD CUP”
ENSONGA EZAALEMESEZA ITALY OKUGENDA MU ZA “WORLD CUP”
Bya Jimmy Nteza
Kyabadde kikangabwa ekitakkirizibwa eggwanga erya North Macedonia weryawanduddemu abawanguzi b’ekikopo ekya Bulaaya ekya Euro aba Italy ku goolo emu ku bwereere goolo y’omusambi Aleksandar Trajkovski. Omutendesi Roberto Mancii yakulemberamu Italy okutwala empaka za Euro eza 2020 naye nga ono wakwevuma abateebi be abaalemeddwa okuteeba nga emikisa egykoleddwa gyabadde mingi. Kino kitegeeza nti guno mulundi gwakubiri ogw’omuddingana nga Italy tekiika mu kikopo ky’ensi yonna naye nga nsonga ki ezaalese kino:
- Omutendesi Robert Mancini akyuusakyuusa ttiimu. Talina basambi bankalakalira, amusanyusa gwatwala ate nga kitaataganya enkwatagana y’abasambi.
- Okusuula abasambi abalina obmanyirivu. Italy yasambye North Macedonia nga abasambi baayo abalina obumanyirivu naddala mu kuzibira nga Giorgio Chellini, Leonardo Bonucci nga tebalimu.
- Okwonoona emikisa ejivaamu amagoolo. Italy yakubye emipiira ejiwera 32 ku goolo ya North Macedonia naye nga teteeba nga kwogase amakoona 16.
- Okunyooma North Macedonia. Nga abangi webalowooza, ne Italy yakitwala nti North Macedonia ggwanga linafu erinayitibwako amangu, okunyooma kuno Italy yakulaze ne ku kisaawe.
- Italy okutwala empaka za Euro kyajirowoozesa nti eteredde era enywedde, naye nga ssibwekyali, yensonga lwaki n’ekibinja ekyakakuguuta ak’okukiika mu za World Cup teyakiyitamu nga yabadde erina kwetereereza ku North Macedonia.
